ਦਸਤਾਰ ਮਸਲੇ ਦੇ ਹੱਲ ਲਈ ਸ੍ਰੋਮਣੀ ਕਮੇਟੀ ਦੇ ਨਵੇਂ ਚੁਣੇ ਮੈਂਬਰ ਸੁਹਿਰਦ ਯਤਨ ਕਰਨ- ਜਗਰੂਪ ਸਿੰਘ ਸੋਹਲ

ਲੰਡਨ,(ਮਨਦੀਪ ਖੁਰਮੀ ਹਿੰਮਤਪੁਰਾ) ਪੰਜਾਬ ਯੂਥ ਕਲੱਬ ਆਰਗੇਨਾਈਜੇਸ਼ਨ ਗਲਾਸਗੋ (ਯੂ ਕੇ) ਦੇ ਪ੍ਰਧਾਨ ਜਗਰੂਪ ਸਿੰਘ ਸੋਹਲ ਨੇ ਜਗ ਬਾਣੀ ਨਾਲ ਵਾਰਤਾ ਦੌਰਾਨ ਆਸ ਪ੍ਰਗਟਾਈ

ਕਿ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਚੋਣਾਂ ਵਿੱਚੋਂ ਜਿੱਤੇ ਨਵੇਂ ਮੈਂਬਰ ਸਾਹਿਬਾਨ ਦਸਤਾਰ ਮਸਲੇ ਦੇ ਹੱਲ ਲਈ ਸੁਹਿਰਦ ਹੋ ਕੇ ਯਤਨ ਜਰੂਰ ਕਰਨਗੇ। ਕਿਉਂਕਿ ਯੂਰੋਪ ਦੇ ਹਵਾਈ ਅੱਡਿਆਂ (ਖਾਸ ਕਰਕੇ ਇਟਲੀ) ਉੱਪਰ ਚੈਕਿੰਗ ਦੇ ਨਾਮ Ḕਤੇ ਪਗੜੀਧਾਰੀ ਸਿੱਖਾਂ ਨੂੰ ਜਲਾਲਤ ਦਾ ਸਾਹਮਣਾ ਕਰਨਾ ਪਿਆ ਹੈ। ਉਹਨਾਂ ਕਿਹਾ ਕਿ ਵਿਦੇਸ਼ਾਂ ਵਿੱਚ ਵਸਦੇ ਸਿੱਖਾਂ ਨੂੰ ਹਮੇਸ਼ਾ ਹੀ ਸ੍ਰੋਮਣੀ ਕਮੇਟੀ ਤੋਂ ਉਮੀਦ ਰਹੀ ਹੈ ਕਿ ਦਸਤਾਰ ਦੇ ਮਾਣ ਸਨਮਾਨ ਦੀ ਬਹਾਲੀ ਲਈ ਜਰੂਰ ਕੋਈ ਉਚਿਤ ਕਦਮ ਉਠਾਵੇਗੀ। ਉਹਨਾਂ ਸਮੂਹ ਨਵੇਂ ਚੁਣੇ ਮੈਂਬਰਾਂ ਨੂੰ ਬੇਨਤੀ ਕੀਤੀ ਕਿ ਉਹ ਆਪਣਾ ਮੁੱਢਲਾ ਫਰਜ਼ ਸਮਝਦੇ ਹੋਏ ਦਸਤਾਰ ਮਸਲੇ ਸੰਬੰਧੀ ਯੋਗ ਰੂਪਰੇਖਾ ਉਲੀਕਣ ਤਾਂ ਜੋ ਪੰਜਾਬੀਅਤ ਦਾ ਸਿਰ ਹਮੇਸ਼ਾ ਹੀ ਕੱਜਿਆ ਅਤੇ ਉੱਚਾ ਰਹੇ।