ਹਰਮਨ ਰੇਡੀਓ ਆਸਟ੍ਰੇਲੀਆ 'ਤੇ ਸਿਡਨੀ ਦੇ ਗੁਰੂਦੁਆਰਾ ਸਿੰਘ ਸਭਾ ਸਾਹਿਬ ਰਿਵਸਵੀ ਤੋਂ ਚੌਵੀ ਘੰਟੇ ਗੁਰਬਾਣੀ ਦੇ ਸਿੱਧੇ ਪ੍ਰਸਾਰਣ ਦਾ ਸ਼ੁਭ ਆਰੰਭ

ਹਰਮਨ ਰੇਡੀਓ ਆਸਟ੍ਰੇਲੀਆ ਤੇ ਸਿਡਨੀ ਦੇ ਗੁਰੂਦੁਆਰਾ ਸਿੰਘ ਸਭਾ ਸਾਹਿਬ ਰਿਵਸਵੀ ਤੋਂ ਚੌਵੀ ਘੰਟੇ ਗੁਰਬਾਣੀ ਦੇ ਸਿੱਧੇ ਪ੍ਰਸਾਰਣ ਦਾ ਸ਼ੁਭ ਆਰੰਭ ਗੁਰੂਦੁਆਰਾ ਸਾਹਿਬ ਵਿਖੇ ਇੱਕ ਸਮਾਗਮ ਦੌਰਾਨ ਜੈਕਾਰਿਆ ਦੀ ਗੂੰਜ ਵਿੱਚ ਕੀਤਾ ਗਿਆ।
ਮੈਨੇਜਮੈਂਟ ਕਮੇਟੀ ਅਤੇ ਹਰਮਨ ਰੇਡੀਓ ਦੇ ਸਹਿਯੋਗ ਸਦਕਾ ਇਸ ਕਾਰਜ ਨੂੰ ਨੇਪਰੇ ਚਾੜਿਆ ਗਿਆ ਜਿਸ ਨਾਲ ਗੁਰੂਦੁਆਰਾ ਸਹਿਬ ਰਿਵਸਵੀ ਆਸਟ੍ਰੇਲੀਆ ਦਾ ਪਹਿਲਾ ਗੁਰੂਦੁਆਰਾ ਸਾਹਿਬ ਹੈ ਜਿਸ ਤੋਂ ਸਿੱਧਾ ਪ੍ਰਸਾਰਣ ਆਰੰਭ ਕੀਤਾ ਗਿਆ ਹੈ ਅਤੇ ਸੰਗਤਾਂ ਆਪਣੇਂ ਘਰ ਵਿੱਚ ਫਰੀ ਸੁਣ ਸਕਦੀਆ ਹਨ।ਹਰਮਨ ਰੇਡੀਓ ਆਸਟ੍ਰੇਲੀਆ ਤੋਂ ਹੁਣ ਪੂਰੀ ਦੁਨੀਆਂ ਵਿੱਚ ਕਿਤੇ ਵੀ ਕੰਪਿਊਟਰ ਰਾਹੀ,ਆਈ-ਫੋਨ,ਮੋਬਾਈਲ ਫੋਨ ਜਾਂ ਵਾਈ ਫਾਈ ਰੇਡੀਓ ਦੁਆਰਾ ਗੁਰਬਾਣੀ ਕੀਰਤਨ ਦਾ ਸਿੱਧਾ ਪ੍ਰਸਾਰਣ ਸੁਣਿਆ ਜਾ ਸਕਦਾ ਹੈ।ਗੁਰੂਦੁਆਰਾ ਸਾਹਿਬ ਰਿਵਸਵੀ ਦੀ ਮੈਨੇਜਮੈਂਟ ਕਮੇਟੀ ਦੇ ਪ੍ਰਧਾਨ ਸ੍ਰ:ਮਨਿੰਦਰ ਸਿੰਘ ਬਿੱਟਾ,ਸੈਕਟਰੀ ਸਵਰਨ ਸਿੰਘ,ਖਜਾਨਚੀ ਰਣਧੀਰ ਸਿੰਘ,ਜਤਿੰਦਰ ਸਿੰਘ,ਮਨਿੰਦਰ ਸੂਚ ਹੋਰਾਂ ਨੇ ਸਮੂਹ ਸੰਗਤ ਨੂੰ ਇਸ ਕਾਰਜ ਤੇ ਵਧਾਈ ਦਿੱਤੀ।ਹਰਮਨ ਰੇਡੀਓ ਦੀ ਟੀਮ ਦੇ ਮੈਂਬਰ ਮਨਿੰਦਰਪਾਲ ਸਿੰਘ ਸਮਰਾਲਾ ਨੇਂ ਸੰਗਤਾਂ ਨੂੰ ਰੇਡੀਓ ਦੇ ਤਕਨੀਕੀ ਪੱਖ ਬਾਰੇ ਜਾਣਕਾਰੀ ਦਿੱਤੀ। ਇਸ ਤੋਂ ਇਲਾਵਾ ਟੈਰੀ ਸਿੱਧੂ,ਹਰਮੰਦਰ ਕੰਗ,ਸੰਤੋਖ ਸਿੰਘ ਮਿਨਹਾਸ ਹੋਰਾਂ ਵੀ ਇਸ ਮੌਕੇ ਤੇ ਹਾਜ਼ਰੀ ਭਰੀ। ਹਰਮਨ ਰੇਡੀਉ ਦੇ ਡਾਇਰੈਕਟਰ ਅਮਨਦੀਪ ਸਿੱਧੂ ਅਤੇ ਰੇਡੀਓ ਦੇ ਤਕਨੀਕੀ ਸਹਿਯੋਗੀ ਸਰਬਜੀਤ ਸਿੰਘ ਨੇ ਦੱਸਿਆ ਕਿ ਸਮੇਂ ਦੀ ਮੰਗ ਨੂੰ ਗੁਰੂ ਘਰ ਦੀ ਮੈਨੇਜਮੈਂਟ ਨੇ ਪਹਿਚਾਣਿਆ ਅਤੇ ਨਵੀਨ ਟੈਕਨੌਲਜੀ ਨੂੰ ਪ੍ਰਚਾਰ ਲਈ ਅਪਣਾਇਆ ਹੈ।